गीत : संत ज्ञानेश्वर
संगीत : पं. हृदयनाथ मंगेशकर
स्वर : लता मंगेशकर
अरे अरे ज्ञाना झालासी पावन ।
तुजें तुज ध्यान कळों आले ॥१॥
तुझा तूं चि देव तुझा तूं चि भाव ।
फिटला संदेह अन्यतत्वी ॥२॥
मुरडूनियां मन उपजलासी चित्तें ।
कोठें तुज रितें न दिसे रया ॥३॥
दीपकीं दीपक मावळल्या ज्योती ।
घरभरी वाती शून्य झाल्या ॥४॥
वृत्ती चि निवृत्ति अपणांसकट ।
अवघेंची वैकुंठ चतुर्भूज ॥५॥
निवृत्ति परमानुभव नेमा ।
शांतिपूर्ण क्षमा ज्ञानदेवो ॥६॥
